بن غازی، 21 نومبر (سیاست ڈاٹ کام) فیلڈ مارشل خلیفہ حفتارکی قیادت میں لیبیائی قومی فوج (ایل این اے ) نے ملک کے مغربی حصے میں اٹلی کے ایک ڈرون کو مار گرانے کا دعوی کیا ہے ۔ ایل این اے کے ترجمان احمد مسماري نے جمعرات کو کہا کہ ایل این اے کی فضائیہ نے اٹلی کے ڈرون کو مار گرایا ہے ۔ انہوں نے کہا کہ ایل این ے کی سپریم کمانڈ اس واقعہ میں اٹلی کے جواب کا انتظار کر رہی ہے کہ ان کا ڈرون کس طرح لیبیاکی ہوائی سرحد میں گھس آیا تھا۔ ایل این اے نے مغرب پر مبنی قومی معاہدے کی لیبیا حکومت (جي این اے ) کی وفادار فورسز کے ساتھ جنگ میں برسرپیکار ہے ۔ دونوں ممالک کے درمیان کشیدگی اپریل میں تب بڑھ گئی تھی جب حفتار کی قیادت والی فوج نے جی این اے کے وفادار افواج سے طرابلس کے دارالحکومت پر قبضہ حاصل کرنے کے لئے جارحانہ مہم شروع کی تھی۔
