طرابلس 28ستمبر (سیاست ڈاٹ کام ) جنوب مغربی لیبیا میں ہوئے فضائی حملوں میں دولت اسلامیہ (آئی ایس) کے 17 دہشت گرد ہلاک ہوگئے ۔یہ اطلاع جمعہ کے روز امریکی افریقہ کمانڈ (افریکوم) نے دی ہے ۔افریکوم نے ایک بیان جاری کرتے ہوئے کہا ‘‘ لیبیا حکومت کے ساتھ مل کر امریکی افریقہ کمانڈ نے لیبیا میں 26 ستمبر کو فضائی حملہ کر کے آئی ایس دہشت گردوں کے خلاف کارروائی کی۔ اس حملے میں 17 دہشت گردوں کی موت ہو گئی اور کسی شہری کوکوئی نقصان نہیں پہنچا‘‘۔افریکوم کے ڈائریکٹر ہیدی برگ نے کہا ‘‘اس مہم کے تحت امریکی افریقہ کمانڈ نے لیبیا میں دہشت گردی پھیلانے کے لئے آئی ایس کے ٹھکانوں کو تباہ کردیا۔ ہم خطے میں مزید ایسی کارروائی کرتے رہیں گے اور لیبیا کو محفوظ رکھیں گے ’’۔
