نیویارک۔ اقوام متحدہ کی ایک ذیلی ایجنسی نے لیبیا میں پناہ گرینوں اور مہاجرین کی گمشدگی پر تشویش ظاہر کی ہے۔ انٹرنیشنل آرگنائزیشن فار مائیگریشن کے مطابق یورپ پہنچنے کے کوششوں کے دوران بحرہ روم میں اس سال اب تک 24 ہزار سے زائد مہاجرین کو روکا اور لیبیا بھیجا جا چکا ہے۔ البتہ لیبیا میں موجود حراستی مراکز میں صرف چھ ہزار کا باقاعدہ اندراج ہوا ہے۔ ادارے کے مطابق بقیہ ہزاروں مہاجرین کے بارے میں کوئی مصدقہ اطلاع نہیں ہے۔ آئی او ایم نے خدشہ ظاہر کیا ہے کہ بقیہ مہاجرین جرائم پیشہ گروہوں کے چنگل میں پھنس گئے ہوں گے۔ لیبیا کی وزارت داخلہ نے اس بارے میں اپنا رد عمل ظاہر نہیں کیا ہے۔
