دبئی : ترکی نے لیبیائی حکومت کو جدید اسلحہ اور ڈرون طیاروں کی فراہمی شروع کی ہے۔ ترکی کی طرف سے لیبیا کی قومی وفاق حکومت کو 4 ڈرون طیارے فراہم کیے گئے ہیں۔ ذرائع کا کہنا ہے کہ ترکی کا ایک کارگو طیارہ الوطیہ ہوائی اڈے پر جدید اسلحہ چھوڑ کر واپس ترکی روانہ ہوگیا ہے۔مغربی لیبیا میں قائم الوطیہ ہوائی اڈے پر ترکی سے آنے والے طیارے پر جنگجو اور جدید اسلحہ لایا گیا۔ادھر شام میں انسانی حقوق کیلئے کام کرنے والے ادارے ’المرصد‘ کی طرف سے جاری ایک بیان میںکہا گیا ہے کہ شام سے لیبیا میں لڑائی کے لیے ترکی کے ذریعے آنے والے جنگجوئوں کی تعداد 17 ہزار 300 ہوگئی ہے۔ ان میں 350 بچے جن کی عمریں 18 سال سے کم تھیں لیبیا بھیجے جانے والے جنگجو شامل ہیں۔