طرابلس ۔ لیبیا کی ساحل کے پاس گذشتہ ہفتے 240 سے زیادہ غیر قانونی مہاجروں کو بچایا گیا۔ انٹرنیشنل آرگنائیزیشن فار مائیگریشن (آئی او ایم) نے منگل کو یہ اطلاع دی۔ اس نے بتایا کہ 13 تا 20 جولائی 243 مہاجروں کو سمندر میں روک کر لیبیا کی جانب لوٹا دیا گیا۔ آئی او ایم نے بتایا کہ رواں برس کل 6,119 غیر قانونی مہاجروں کو لیبیا کے ساحل سے بچایا گیا ہے جبکہ گذشتہ سنہ 9,225 غیر قانونی مہاجروں کو بچا کر لیبیا لوٹایا گیا تھا۔ رواں برس اب تک جن افراد کو ساحل سے بچا کر لیبیا لوٹایا گیا۔ ان میں 453 خواتین اور 327 نابالغ ہیں۔ غور طلب ہے کہ لیبیا میں غیر محفوظ اور انارکی کی صورتحال کے سبب ہزاروں غیر قانونی مہاجر اس ملک کے راستے یورپ کی جانب جانے کیلئے بحیرہ روم کو عبور کرنا چاہتے ہیں۔ اس طرح کی کوششوں میں کئی بار بڑی تعداد میں مہاجروں کو ہلاک ہونا پڑتا ہے ۔