برسلز : یورپی یونین کے رکن ملک لیتھوانیا نے بیلاروس سے متصل اپنی سرحد کو محفوظ بنانے کے لیے اضافی فوجی تعینات کر دیے ہیں۔ بتایا گیا ہے کہ بیلاروس اور پولینڈ کی سرحد کے نزدیک ایک فوجی اڈہ بھی قائم کر لیا گیا ہے۔ اس کا مقصد بیلاروس سے غیر قانونی مہاجرین کی یورپی یونین آمد کو روکنا ہے۔ یورپی یونین کا الزام ہے کہ منسک حکومت ان مہاجرین کو سیاسی مقاصد کے لیے استعمال کر رہی ہے۔ ادھر بیلاروس کے مطلق العنان صدر لوکاشینکو نے کہا ہے کہ دراصل وہ ان مہاجرین کو یورپی یونین روانہ کر کے ان کی مدد کرنا چاہتے تھے۔
