لندن ۔ ویمبلے میں کھیلے گئے ایف اے کپ کے فائنل میں لیسٹر سٹی نے چیلسی کو 1 گول سے شکست دے کر پہلی مرتبہ خطاب اپنے نام کر لیا اور فاتح کھلاڑیوں کے جشن میں فلسطینیوں سے اظہار یکجہتی کا رنگ بھی نمایاں دکھائی دیا ، ٹیم کے دو ارکان نے اختتامی تقریب میں فلسطین کا پرچم لپیٹ رکھا تھا۔لندن کے ویملبے اسٹیڈیم میں ایف اے کپ کے فائنل میں لیسٹر سٹی اور چیلسی میں مقابلہ ہوا اور دونوں جانب سے ایک دوسرے پر برتری حاصل کرنے کی جدوجہد جاری رہی اور پہلا ہاف بغیر گول کے ختم ہوا۔دوسرے ہاف کے 62 ویں منٹ میںٹیلیمانس نے خوبصورت گول بنایا اور لیسٹر کو برتری دلا دی۔اس کے بعد کھیل میں مزید تیزی آئی لیکن کوئی ٹیم گول نہ بنا پائی اور لیسٹر سٹی نے 1-0 کی فتح کے ساتھ پہلی مرتبہ ایف اے کپ اپنے نام کر لیا۔فاتح ٹیم کے جشن میں فلسطین کا رنگ بھی نمایاں دکھائی دیا ۔ لیسٹر سٹی کے دوکھلاڑیوں نے فلسطینی پرچم تھام کر اسرائیلی جارحیت کے خلاف فلسطینیوں سے اظہار یکجہتی کیا۔انگلینڈ میں فلسطین کے سفیر نے کھلاڑیوں اور کلب کی جانب سے حمایت پر لیسٹرسٹی سے اظہار تشکر بھی کیا۔
