کولکاتا : ممتا بنرجی کے دورۂ گوا کے موقع پر ہندوستانی ٹینس کھلاڑی اور اولمپک تمغہ جیتنے والے لینڈر پیس نے چیف منسٹر مغربی بنگال کی موجودگی میں گوا ترنمول کانگریس میں شمولیت اختیار کرلی ہے ۔اس کے علاوہ سینئر اداکارہ و سماجی کارکن نفیسہ علی، جنہوں نے 2004 کے لوک سبھا انتخابات میں جنوبی کولکاتا سے ممتا بنرجی کے خلاف مقابلہ انتخاب لڑا تھا، اُنھوں نے بھی پارٹی میں شمولیت اختیار کی ہے ۔لینڈر اگرچہ کلکتہ میں پیدا ہوئے لیکن اُن کے والد گوا نژاد ہیں۔نامی گرامی کھلاڑی اور اداکارہ کی شمولیت ایسے وقت میں ہوئی ہے جب ترنمول کانگریس گوا میں 2022 ء کے ریاستی اسمبلی انتخابات میں حصہ لینے کی تیاری کر رہی ہے ۔
