نئی دہلی ۔15؍ڈسمبر ( ایجنسیز ) ارجنٹینا کے اسٹار فٹبالر لیونل میسی کے دورہ ہند میں ان کا جدید پرتعیش جیٹ طیارہ سب کی توجہ کا مرکز بنا رہا جو دنیا کے مہنگے اور جدید طیاروں میں شامل ہے۔ رپورٹ کے مطابق لیونل میسی کا یہ نجی طیارہ گلف اسٹریم ہے ۔میسی نے یہ طیارہ 2018 میں 15 ملین ڈالر میں خریدا تھا۔ طیارے پر میسی کا ذاتی رنگ نمایاں ہے۔ اس کی دم پر ان کی مشہور جرسی نمبر 10 درج ہے جبکہ طیارے کی سیڑھیوں پر ان کی اہلیہ انتونیلا روکوزو اور بچوں تیاگو، ماتیو اور سیرو کے ناموں کے ابتدائی حروف کندہ ہیں۔نجی جیٹ کے اندر 14 آرام دہ ریکلائننگ سیٹس، ایک جدید کچن، 2 باتھ رومز اور دیگر سہولیات موجود ہیں جو میسی اور ان کے اہلِ خانہ اور ٹیم کو سفر کے دوران مکمل آرام فراہم کرتی ہیں۔