حیدرآباد ۔ 10 مارچ (سیاست نیوز) ٹی آر ایس کا تلنگانہ کے 16 لوک سبھا حلقوں میں کامیابی کا دعویٰ دن کا خواب ہے۔ یہ بات بی جے پی تلنگانہ یونٹ کے صدر کے لکشمن نے کہی۔ وہ ٹی آر ایس کے ورکنگ پریسیڈنٹ کے ٹی راما راؤ کے اس بیان پر اپنا ردعمل ظاہر کررہے تھے کہ تلنگانہ میں اپوزیشن ڈاؤن اور آؤٹ ہوچکی ہے ڈاکٹر لکشمن نے کہا کہ فیڈرل فرنٹ آخر کہاں ہے جبکہ اس کے قیام کا اعلان کے چندرشیکھر راؤ نے 3 ماہ پہلے کیا تھا۔ لکشمن نے دریافت کیا کہ آیا ممتابنرجی شردپوار یا ایم کے اسٹالن نے اس کی تائید کی ہے۔
