نیویارک۔19 مئی (سیاست ڈاٹ کام) باسکٹ بال لیجنڈ امریکہ کے مائیکل جارڈن کے ابتدائی سیزن میں پہنے جوتے ریکارڈ قیمت 5 لاکھ 60 ہزار ڈالرز میں فروخت ہوئے۔ 1985 میں مائیکل کے لیے ڈیزائن کئے گئے ایر جارڈن نامی شوز کی نیلامی اس کی 35ویں سالگرہ کے موقع پر کی گئی۔باسکٹ بال لیجنڈ مائیکل جارڈن کے جوتے معروف کمپنی نے ایر جارڈن کے نام سے 1985 میں ڈیزائن کیے، ایک جوتے کا سائز 13 اور دوسرے کا 13.5 پانچ ہے۔منتظمین کو توقع تھی کہ آن لائن نیلامی میں مائیکل کے استعمال شدہ اور آٹوگراف والے یہ جوتے ایک لاکھ سے ڈیڑھ لاکھ ڈالرز میں نیلام ہوں گے لیکن ان کی قیمت 5 لاکھ 60 ہزار ڈالرز لگی جو ایک نیا ریکارڈ ہے۔اس سے پہلے اسی کمپنی کے 1972 میں بنائے مون شو نامی جوتے 4 لاکھ 37500 ڈالرز کے فروخت ہوئے تھے۔