اتنا بڑا شو ہونے کے باوجود دونوں ملکوں کے سربراہان نے راہ فرار اختیار کی
واشنگٹن : جوبائیڈن نے چین اور روس کے صدور کی ماحولیاتی کانفرنس میں غیر حاضری پر انہیں کڑی تنقید کا نشانہ بنایا۔امریکہ کے صدر جوبائیڈن نے ماحولیاتی تبدیلیوں سے متعلق کانفرنس میں چینی اور روسی ہم منصب کے بذات خود شریک نہ ہونے پر شدید تنقید کرتے ہوئے حیرت ظاہر کی کہ اتنا بڑا اشو ہونے کے باوجود دونوں ملکوں کے سربراہ کیسے راہ فرار اختیارکرسکتے ہیں۔جوبائیڈن نے 120 ممالک کے رہنماؤں کی کانفرنس میں دونوں صدور کی غیرحاضری کو بڑی غلطی قراردیا۔اس موقع پر امریکی صدر نے چین کے ساتھ رویہ نرم کرنے کی مشروط پیشکش کرتے ہوئے کہا کہ بیجنگ ماحولیاتی امور پر مزید اقدامات کے لیے تیار ہو تو امریکہ ۔ چین کے معاملے پر نرم رویہ اختیار کرلے گا۔گلاسگو کانفرنس میں 120 ممالک کے رہنماؤں نے عالمی درجہ حرارت میں اضافہ پیرس معاہدہ کے تحت ایک اعشاریہ پانچ ڈگری سینٹی گریڈ تک محدود رکھنے کے طریقوں پر بات چیت کی ہے۔تاہم چین اور روس کے صدر نے کانفرنس میں ذاتی طور پر شرکت کے بجائے ویڈیو لنک سے شرکت پر آمادگی ظاہرکی تھی۔ چین پچھلے برس تجویز پیش کرچکاہے کہ آلودگی کو 2060 تک صفرکردیاجائے تاہم اس کے نتیجے میں درجہ حرارت محدود کرنا دشوار ہوجائے گا۔
ریپبلکن امیدوار ورجینیا کے گورنر منتخب، بائیڈن کو جھٹکا
نیویارک: ریپبلکن امیدوار کی جیت امریکی صدر جو بائیڈن کی ڈیموکریٹک پارٹی کے لیے ایک بڑا جھٹکا ہے۔ سن 2009 کے بعد سے ریاست ورجینیا میں پہلی مرتبہ ریپبلکن پارٹی کا کوئی امیدوارگورنر کے عہدے کے لیے منتخب ہوا ہے۔ ریاست ورجینیا میں 2نومبر منگل کے روز گورنر کے عہدے کے لیے ہونے والے انتخابات میں ریپبلکن پارٹی کے امیدوار گلین ینگکن کی جیت اب تقریباً یقینی ہے۔54 سالہ گلین سیاست میں قدرے نئے ہیں تاہم انہوں نے ڈیموکریٹک پارٹی کے اپنے حریف ٹیری میک لائف کو شکست دے دی ہے، جو 2014 سے 2018 تک ریاست کے گورنر رہ چکے ہیں۔