مادیگا تنظیم کے ضلعی صدر کی ایک روزہ بھوک ہڑتال

   

آرمور /14 جون ( سیاست ڈسٹرکٹ نیوز ) ایم آر پی ایس مادیگا تنظیم کے ضلعی صدر ایم بابو نے آرمور امبیڈکر چوراہے پر اپنی ایک روزہ بھوک ہڑتال کے دوران بتایا کہ میری اس بھوک ہڑتال مقصد رکن اسمبلی آرمور جیون ریڈی کو فوری برطرف کرنا ہے ۔ آگے بتاتے ہوئے کہاکہ جیون ریڈی اپنے اختیارات کا مبینہ غلط استعمال کرتے ہوئے پولیس کے ذریعہ لوگوں پر غلط کیس درج کروا رہے ہیں ۔ اس طرح وہ سابقہ ضلع پریشد ممبر ساندنا ، بی جے پی کے حلقہ اسمبلی انچارج آرمور پی ونئے ریڈی اور کسان قائد بی سنتوش پر غیر ضروری کیس درج کروایا ہے ۔ انہوں نے وزیر اعلی ریاست تلنگانہ کے سی آر سے مطالبہ کیا کہ جیون ریڈی کو اسمبلی رکنیت سے فوری برطرف کیا جائے ۔ ان کی اس بھوک ہڑتال کیمپ تک پہونچکر اظہار یگانگت والوں میں کانگریس ضلعی صدر ایس سی سیل پی سی یوجنا ، بی جے پی ضلع سکریٹری ، شیوراج ، کونسلر محمود علی ، دیاگاوئے اور دیگر شامل ہے ۔ ان قائدین نے آکر شربت پلاکر بھوک ہڑتال کو ختم کروایا ۔