آکلینڈ : نیوزی لینڈ پاکستان ونڈے سیریز میں اہم خبر یہ ہے کہ مارک چپمین پاکستان کے خلاف دوسرے ونڈے میچ سے باہر ہوگئے ہیں۔ نیوزی لینڈ کرکٹ کے مطابق مارک چپمین دائیں پیر میں عضلات کے جکڑن کا شکار ہوگئے ہیں۔ نیوزی لینڈ کرکٹ کے بموجب ٹم سائفرٹ کو اسکواڈ میں شامل کر لیا گیا ہے۔ یاد رہے کہ مارک چپمین پہلے ونڈے میچ میں فیلڈنگ کے دوران زخمی ہوئے۔ایم آر آئی اسکین میں گریڈ ون ٹئیرکی نشاندہی ہوئی ہے۔ نیوزی لینڈ کرکٹ کے مطابق مارک چپمین کو صحت یابیکے لیے مختصر وقت درکار ہے۔ مارک نے پہلے ونڈے میچ میں 132 رنز کی شاندار اننگز کھیلی تھی۔ یاد رہے کہ پاکستان اور نیوزی لینڈ کے درمیان دوسرا ونڈے میچ کل کھیلا جائے گا۔
