واشنگٹن: 28 جنوری (یو این آئی) امریکی صدر ڈونالڈ ٹرمپ نے دھمکی دی ہے کہ نوری المالکی دوبارہ عراق کے وزیر اعظم بنے تو امریکہ عراق کی کوئی مدد نہیں کرے گا۔ ٹرمپ نے کہا کہ عراق اگر نوری المالکی کو دوبارہ وزیراعظم بناتا ہے تو یہ بہت غلط فیصلہ ہوگا۔ ٹرمپ نے کہاکہ نوری المالکی وزیراعظم منتخب ہوئے تو امریکہ عراق کی کوئی مدد نہیں کرے گا، المالکی کے دور میں عراق غربت اور بے امنی میں ڈوب گیا تھا، امریکی مدد کے بغیر عراق کی کامیابی، خوشحالی اور آزادی کا صفر امکان ہے ۔ واضح رہے کہ عراق میں شیعہ سیاسی اتحاد نے نوری المالکی کوگزشتہ ہفتے وزیراعظم نامزد کیا تھا۔ نوری المالکی 2006 سے 2014 تک دو مرتبہ عراق کے وزیراعظم رہ چکے ہیں، نوری المالکی کے دور میں فرقہ وارانہ تشدد، سیاسی حریفوں سے کشیدگی اور امریکہ سے تناؤ میں اضافہ ہوا تھا۔
