حفیظ آباد،12مارچ(یواین آئی) پاکستان کے حفیظ آباد میں ایک ماں نے اپنے بیٹے کو پڑھائی کرنے سے منع کرنے پر اس کی اتنی پٹائی کی کہ وہ بری طرح زخمی ہوگیا اور اسے ہاسپٹل میں داخل کرنا پڑا،جہاں اس نے علاج کے دوران دم توڑ دیا۔یہ دلسوز واقعہ پیر کی رات پیش آیا۔بچہ نویں کلاس میں پڑھتا تھا،ماں نے اس سے پڑھنے کو کہا تو اس نے منع کردیا اور جلال پور میں واقع اپنے مکان سے بھاگنے کی کوشش بھی کی۔ جیونیوز نے پولیس کے حوالے سے یہ خبر دی ہے کہ بچے کے باپ کی شکایت پر پولیس نے ایف آئی آر درج کرکے ملزم ماں کو گرفتارکرلیاہے ۔بچے کو جب اس کی ماں بری طرح مارر ہی تھی تب بیچ بچاؤ کرکے پڑوسی بچے کو علاج کے لئے ہاسپٹل لے گئے جہاں وہ جانبر نہ ہوسکا۔
