حیدرآباد۔22 ۔جولائی (سیاست نیوز) ماں کی موت سے دلبرداشتہ ایک نوجوان نے خودکشی کرلی، پہاڑی شریف پولیس حدود میں یہ واقعہ پیش آیا جہاں 29 سالہ پربھاکر نے خودکشی کرلی ۔ پربھاکر پیشہ لیبر جل پلی علاقہ میں رہتا تھا ۔ دو ماہ قبل اس کی والدہ کی موت ہوئی تھی اور تب سے وہ پریشان رہتا تھا اور کثرت سے شراب کا نشہ کررہا تھا ۔ گزشتہ روز اس نے ایسڈ کا استعمال کرلیا جس کو ہاسپٹل منتقل کیا گیا جہاں علاج کے دوران وہ فوت ہوگیا ۔ پولیس مصروف تحقیقات ہے۔
