ابوظہبی، 30 مئی (یو این آئی) متحدہ عرب امارات میں 40 سال میں پہلی بار نیا میڈیا ریگولیشن سسٹم متعارف کرادیا گیا۔متحدہ عرب امارات میں اماراتی میڈیا کونسل کا کہنا ہے کہ میڈیا قوانین کی خلاف ورزی پر 20 لاکھ درہم تک جرمانہ عائد کیا جاسکتا ہے ۔امارات میں 40 سال میں پہلی بار میڈیا قوانین میں بڑی تبدیلیاں کی گئی ہے ، میڈیا مواد کیلئے 20 نئے معیار مقرر کیے گئے ہیں َاماراتی میڈیا کونسل کا کہنا ہے کہ مقامی مواد کی حوصلہ افزائی کیلئے خصوصی پیکیجز شامل ہونگے ، نیا پلیٹ فارم عوامی نگرانی کیلئے جلد متعارف ہوگا۔میڈیا کونسل نے دوبارہ خلاف ورزی پر جرمانے دگنا کرنے کا اعلان بھی کیا ہے ۔
