نئی دہلی: کانگریس کے رکن پارلیمنٹ راہل گاندھی نے اپنی ماں سونیا گاندھی کے ساتھ ایک جذباتی تصویر شیئر کی ہے۔ ٹوئٹر پر تصویر شیئر کرتے ہوئے راہل گاندھی نے لکھا کہ میں اپنی ماں سے ملنے والی محبت کو ملک میں پھیلا رہا ہوں۔ سونیا گاندھی آج دہلی میں ‘بھارت جوڑو یاترا’ میں شامل ہوئی ہیں۔ 7 ستمبر کو تمل ناڈو کے کنیا کماری سے شروع ہونے والا یہ سفر اب 100 دن مکمل کر چکا ہے۔راہل گاندھی کی قیادت میں ‘بھارت جوڑو یاترا’ آج صبح دہلی پہنچتے ہی اس میں ہزاروں لوگوں نے حصہ لیا۔ کانگریس کے کئی سینئر لیڈر جن میں جے رام رمیش، پون کھیرا، رندیپ سرجے والا، بھوپندر سنگھ ہڈا اور کماری سیلجا قومی دارالحکومت میں راہل گاندھی کے ساتھ نظر آئے۔ سونیا گاندھی اور کانگریس جنرل سکریٹری پرینکا گاندھی نے بھی مارچ میں حصہ لیا۔
