محبوب نگر ۔ اردو ٹیچرس اسوسی ایشن ریاست تلنگانہ متحدہ ضلع محبوب نگر اور محکمہ تعلیمات کے زیر اہتمام 30 ڈسمبر 2020 ، 2.30 بجے دوپہر ایس ایس اے میٹنگ ہال ، پیرلہ مری روڈ محبوب نگر ایک آئن لائین ویبنار برائے اساتذہ اردو میڈیم اور جاریہ سال وظیفہ پر سبکدوش ہونے والے اساتذہ کی تہنیتی تقریب منعقد کی جارہی ہے ۔ صدارت خواجہ قطب الدین ریاستی صدر کریں گے ۔ مہمانان خصوصی کی حیثیت سے ڈاکٹر محمد غوث ڈائرکٹر اردو اکیڈیمی تلنگانہ اور مہمانان اعزازی ڈی ای او محبوب نگر ، ڈی ای او ناگرکرنول ، ڈی ای او نارائن پیٹ ، ڈی ای او ونپرتی کے علاوہ مہمان محمد شکیل احمد ریاستی جنرل سکریٹری ، ایم اے او محبوب نگر منڈل ایجوکیشن آفیسر شرکت کریں گے ، خواجہ نصیرالدین نظامت کے فرائض انجام دیں گے ۔ اسوسی ایشن کے عہدیداروں نے اساتذہ سے شرکت کی خواہش کی ہے ۔
نظام ْآباد میں زیر تعمیر ڈبل بیڈرومس مکانات کا معائنہ
نظام آباد :ضلع کلکٹر مسٹر نارائن ریڈی نے آج شہر میں تعمیر کئے جانے والے نئے ڈبل بیڈ روم کا معائنہ کیا ۔ ناگارام میں تعمیر کئے جانے والے ڈبل بیڈ روم اور اقلیتی اقامتی اسکول کی عمارت کے تعمیری کاموں کا معائنہ کیا ۔ ضلع کلکٹر مسٹر نارائن ریڈی نے اقلیتی اقامتی اسکول کی تعمیر ی کاموں کا متعلقہ عہدیداروں سے تعمیری کاموں کے بارے میں دریافت کیا اور اندرون 15 دن ان کاموں کو مکمل کرنے کی ہدایت دی ۔ ڈبل بیڈ روم کے علاوہ ناگارام علاقہ میں آرٹی آفس سے متصلہ سرکاری اراضی کا بھی معائنہ کیا اور اس علاقہ میں واقع سرکاری زمین کا سروے کرتے ہوئے رپورٹ پیش کرنے کی آرڈی او ہدایت دی اور سرکاری اراضیات پر غیر مجاز قبضوں کی برخواستگی کیلئے اقدامات کرنے کی ہدایت دی اس موقع پر کمشنر میونسپل کارپوریشن جتیش وی پاٹل ، آراینڈ بی ایس سی راجیشور ریڈی ، آرڈی او روی کمار بھی موجود تھے ۔