محبوب نگر /22 اپریل ( سیاست ڈسٹرکٹ نیوز ) محبوب نگر کے عوام کیلئے یہ اطلاع بڑی مسرت و راحت ولی ہوگی کہ محبوب نگر میں کورونا وائرس کی ٹسٹنگ کیلئے جدید لیاب کا قیام عمل میں لایا جائے گا ۔ ریاستی وزیر سرینواس گوڑ نے اپنے صحافتی بیان میں یہ بات بتائی ۔ انہوں نے کہا کہ دنیا بھر میں ہلاکت مچانے والے کورونا وائرس کی روک تھام کیلئے تلنگانہ میں چیف منسٹر کے سی آر کی فکر کا نتیجہ ہے ۔ انہوں نے کہا کہ کورونا کی جانچ کیلئے نمونے پونے کو بھجوائے جاتے تھے اور بڑی تشویش سے رپورٹ کا انتظار رہتا تھا لیکن کے سی آر نے حیدرآباد میں اس جدید نوعیت کے لیاب کو حیدرآباد میں قائم کیا اور اب عوام کو سہولت کیلئے 10 تا 15 دنوں میں محبوب نگر میں بھی یہ لیاب قائم کیا جائے گا ۔ جس سے 24 گھنٹوں میں کورونا رپورٹ حاصل ہوگی اور روزآنہ 120 تا 150 مریضؤں کا ٹسٹ کیا جاسکے گا۔ کورونا کے خاتمہ کے بعد یہ لیاب دیگر ٹسٹوں جیسے سوائن فلور ایچ 1این 1 وغیرہ کیلئے بھی کام آئے گا ۔ کورونا ٹسٹ کیلئے اب محبوب نگر کے عوام کو حیدرآباد سفر کی ضرورت نہیں رہے گی ۔
