محبوب نگر /14 جون ( سیاست ڈسٹرکٹ نیوز ) قلب شہر محبوب نگر میں آر اینڈ بی سرکل شہر کے عوام کی توجہ کا مرکز بن گیا ہے ۔ ریاستی وزیر آبکاری وی سرینواس گوڑ نے آر اینڈ بی سرکل پر چائے کپ ، طشتری اور کیتلی اور توب نصب کرواکر اس کا افتتاح کیا ۔ کیتلی سے کپ اور طشتری میں پانی گرنے کا نظاہرہ عوام کیلئے پرلطف اور پرکشش بن گیا ہے ۔ اس کے علاوہ شہر کے تقریباً تمام بڑے چوراہوں کو الگ الگ انداز میں خوبصورت طریقہ سے سجایا گیا ہے ۔ ریاستی وزیر سرینواس گوڑ نے چوراہوں کو سجانے کی راست نگرانی کی ۔
