نظام آباد۔ 14 نومبر (سیاست ڈسٹرکٹ نیوز)صدر تلنگانہ جاگروتی کے کویتا نے تلنگانہ جاگروتی کو مزید مستحکم کرنے کے لئے ضلع نظام آباد کیلئے شہر نظام آباد کے نوجوان قائد محمد ریحان احمد کواڈھاک کمیٹی میں شامل کیا ہے۔ محمد ریحان احمد تلنگانہ جاگروتی کے لئے سرگرم اورنمایاں و سرگرم خدمات انجام دیتے آرہے ہیں۔ محمد ریحان احمد فاؤنڈ ممبر یو کے جاگروتی اور فاؤنڈ ر ممبر این آر آئی جاگروتی بھی ہے۔ انہوں نے 2015 ء میں ڈسٹرکٹ یوتھ کنونیر کی حیثیت سے خدمات انجام دیتے آرہے ہیں۔ ان کا شمار تلنگانہ جاگروتی کے ممتاز قائدین میں ہوتا ہے اور وہ صدر تلنگانہ جاگروتی کے کویتا کے قریبی رفقاء میں ان کا شمار ہوتا ہے۔ محمد ریحان احمد جاگروتی کے پلیٹ فارم سے گذشتہ 9 سالوں سے نوجوان اور طلباء کی تعلیمی رہنمائی کے علاوہ مختلف سماجی، فلاحی خدمات میں سرگرم عمل ہے۔ محمد ریحان احمد کو تلنگانہ جاگروتی ضلع نظام آباد کی اڈھاک کمیٹی میں شامل کئے جانے پر مختلف عوامی حلقوں میں مسرت کا اظہار کیا جارہا ہے۔ ان کے دوست احباب بالخصوص یو کے، امریکہ، سعودی عربیہ، دبئی، قطر، عمان، کویت کے علاوہ حیدرآباد، نظام آباد نے محمد ریحان احمد کو تلنگانہ جاگروتی اڈھاک کمیٹی میں شامل کئے جانے پر مبارکباد پیش کی۔
