نئی دہلی۔ ہندوستان کے دائیں ہاتھ کے فاسٹ بولر محمد سراج آئی سی سی مردوں کی ونڈے کھلاڑیوں کی رینکنگ میں بولروں کے نئے نمبر ون بولر بن گئے ہیں، انہوں نے نیوزی لینڈ کے بائیں ہاتھ کے فاسٹ بولر ٹرینٹ بولٹ اور آسٹریلیا کے فاسٹ بولر جوش ہیزل ووڈ کو پیچھے چھوڑ دیا ہے۔ محمد سراج کے لیے یہ ایک قابل ذکر اضافہ ہے، جو فارمیٹ سے تین سال کے وقفے کے بعد صرف پچھلے سال فروری میں ہندوستان کے ونڈے ٹیم اپ میں واپس آئے ہیں اور یہاں تک کہ منگل کو 2022 کے لیے مردوں کی ونڈے ٹیم آف دی ایر میں بھی نامزد کیا گیا تھا۔ سراج کا سرفہرست ہونا مزید حیران کن ہے کیونکہ اس نے جنوری 2019 میں ایڈیلیڈ میں آسٹریلیا کے خلاف اپنے ونڈے ڈیبیو پر 76 رنز دیے تھے۔ اپنی ونڈے میں واپسی کے بعد سے،28 سالہ سراج نے 20 میچوں میں37 وکٹیں حاصل کیں اور 2023 کے ابتدائی دنوں میں پہلے دس اوورز میں گیند کے ساتھ اہم اسٹرائیک فراہم کرنے پر ہندوستان کے سب سے مستقل فاسٹ بولروں میں سے ایک ہونے اور کرکٹ کی دنیا سے تعریفیں کمائیں۔ سراج نے سری لنکا کے خلاف نو وکٹیں لے کر تین میچوں کی سیریز میں سب سے زیادہ وکٹیں حاصل کیں اور نیوزی لینڈ کے خلاف حال ہی میں مکمل ہونے والی سیریز کے افتتاحی میچ میں 46 رنز دے کر چار وکٹیں حاصل کی ۔ حیدرآباد میں ان کے ہوم گراؤنڈ پر انہوں اپنے کرئیر کا اب تک کا شاندار مظاہرہ کیا ۔ اس کا مطلب ہے کہ سراج 729 ریٹنگ پوائنٹس کے ساتھ ونڈے بولر رینکنگ میں سرفہرست ہے، اگرچہ مختصر طور پرسراج کی برتری ہیزل ووڈ پر صرف دو ریٹنگ پوائنٹ زیادہ ہے۔ مردوں کی ونڈے رینکنگ میں پہلے نمبر پر رہنے والے دیگر ہندوستانی بولروں میں کپل دیو، منیندر سنگھ، انیل کمبلے، رویندرا جڈیجہ اور جسپریت بمراہ ہیں۔ ساتھی ہندوستانی فاسٹ بولرمحمد سمیع ونڈے کی تازہ ترین فہرست میں مجموعی طور پر11 درجے چھلانگ لگا کر 32 ویں نمبر پر پہنچ گئے۔ بائیں ہاتھ کے کلائی اسپنر کلدیپ یادو اور شاردول ٹھاکر نے سیریز میں چھ وکٹیں لے کر درجہ بندی میں بھی ترقی حاصل کی ہے۔ کلدیپ 21 ویں سے 19 ویں نمبر پر پہنچ گئے ہیں، ٹھاکر نے پانچ مقامات کی ترقی کی ہے اور وہ 35 ویں نمبر پر ہیں۔ فاسٹ بولنگ آل راؤنڈر ہاردک پانڈیا نے تینوں فہرستوں میں ترقی کی ہے۔ وہ بیٹرس میں 6 درجے ترقی کرکے 75 ویں نمبر پر ہیں، بولروں میں 80 ویں نمبر پر پہنچنے کے لیے 26 مقامات کی چھلانگ لگائی آل راؤنڈرز کی فہرست میں 32 ویں سے 17 ویں نمبر پرآ گئے ہیں۔
