احمدآباد۔ ہندوستانی کپتان روہت شرما ، ویراٹ کوہلی، وکٹ کیپر کے ایل راہول ، اسپن آل راؤنڈر رویندر جڈیجہ، فاسٹ بولر جسپریت بمراہ اور محمد سمیع کو 2023 کی مردوں کی ونڈے ورلڈ کپ ٹیم میں شامل کیا گیا ہے۔ اگرچہ ہندوستان ٹورنمنٹ میں رنر اپ رہا لیکن احمد آباد میں ہونے والے فائنل میں آسٹریلیا کے ہاتھوں چھ وکٹوں کی شکست کے بعد اس کی ناقابل شکست دس میچوں کی جیت کا سلسلہ ختم ہوا اور ٹیم کے چھ کھلاڑیوں نے ٹورنمنٹ کی ٹیم میں جگہ بنائی۔ جس میں کوہلی سب سے زیادہ رنز بنانے والے اور ٹورنمنٹ کے بہترین کھلاڑی کے ساتھ سب سے زیادہ وکٹیں لینے والے محمد سمیع بھی شامل ہیں۔ محمد سمیع ہندوستان کے پلیئنگ الیون میں دیر سے اضافہ تھے لیکن اس کے بعد انہوں نے بہت بڑا اثر چھوڑا۔ ونڈے ورلڈ کپ ٹیم آف دی ٹورنمنٹ: کوئنٹن ڈی کاک (وکٹ)، روہت شرما (کپتان)، ویراٹ کوہلی، ڈیرل مچل، کے ایل راہول، گلین میکسویل، رویندرا جڈیجہ ، جسپریت بمراہ، دلشان مدوشنکا، ایڈم زمپا اور محمد سمیع۔ 12 واں کھلاڑی: جیرالڈ کوٹزی
