لندن۔18 ڈسمبر (سیاست ڈاٹ کام ) مصر کے مشہور فٹبالر محمد صالح کی گزشتہ چند میچز میں مایوس کن کارکردگی کے بعد ہر طرف سے تنقیدیں شروع ہو گئی تھیں کہ فٹبالر کے اچھے دن گزر گئے ہیں لیکن بائیں پیر سے کھیلنے والے مصری کھلاڑی نے وٹفورڈ کے خلاف دو گول بناکراور اپنی ٹیم کو میچ جتواکر ناقدین کے منہ بند کر دیئے۔ مصری اسٹار فٹبالر محمد صالح کی طرف سے کیے گئے دوگولز کے بعد میچ جیتا جس کے بعد پوائنٹس ٹیبل ان کی ٹیم کے 10 پوائنٹس ہو گئے ہیں اور دوسرے نمبر پر پہنچ گئی ہے۔ لیسٹر سٹی برطانوی فٹبال لیگ میں 14 پوائنٹس کے ساتھ دوسرے نمبر جبکہ مانچسٹر سٹی کا تیسرا نمبر پر ہے۔ مصری فٹبالر کی حالیہ کارکردگی کے بعد ان کا موازنہ دنیا کے دو بہترین فٹبالرزکرسٹیانو رونالڈو اور لیونل میسی کے ساتھ کیا جانے لگا ہے۔ محمد صالح کا دنیا کے بہترین فٹبالرکیساتھ موازنہ سابق اورین منیجر سام الارڈسے کر رہے ہیں۔ انہوں نے کہا کہ وہ وسیع النظر کھلاڑی ہیں، ان کا شمار رونالڈو اور میسی کی طرح بڑے کھلاڑیوں میں ہوتا ہے، رونالڈو اور میسی بھی سنٹر فارورڈ کے کھلاڑی ہیں بالکل اسی طرح محمد صالح بھی سنٹر فارورڈ کے کھلای نہیں لیکن لیگ کے دوران انہوں نے شاندار کارکردگی دکھاتے ہوئے اس مشکل مقام سے گول بنایا۔ان خیالات کا اظہار سابق برطانوی منیجر سام الارڈسے نے خبر رساں ادارے ٹاکس اسپورٹ کے ساتھ کرتے ہوئے کیا۔ محمد صالح کی طرف سے کیے جانے والے گول کی ایک شاندار بات یہ بھی ہے کہ وہ لیور پول کی طرف سے سب سے زیادہ گول کرنے والے 18 ویں کھلاڑی بن گئے ہیں جو کہ لوئس سوراز سے بھی آگے ہو گئے ہیں۔ سام الارڈسے نے مزید کہا کہ جس طرح محمد صالح نے انفیلڈ آؤٹ فٹ میں جا کر پریمیئر لیگ کے دوران گول کیا وہ بہت ہی بہترین تھا۔ مجھے لگتا ہے کہ وہ لیور پول کی طرف سے اسی طرح کھیلتے رہیں تو وہ بڑے ریکارڈ بنا سکتے ہیں۔
