اولڈ ٹریفرڈ۔26 اگسٹ (سیاست ڈاٹ کام ) فٹبال پریمئر لیگ میں پنالٹی ضائع ہونے سے ٹیم مانچسٹر یونائیٹڈ فتح سے محروم ہو گئی۔ انجری ٹائم کے گول نے کرسٹل پیلس کو اولڈ ٹریفرڈ میں 30 سال بعد فتح دلا دی۔ لیور پول نے ایک اور کامیابی اپنے نام کر لی۔ محمد صلاح کا جادو سر چڑھ کر بولا۔ سوپر اسٹار کے دوگولز سے ٹیم نے آرسنل کو 3-1 سے شکست دی۔ اولڈ ٹریفرڈ میں مانچسٹر یونائیٹڈ اورکرسٹل پیلس کے درمیان فٹبال لیگ کا بڑا مقابلہ ہوا۔ رشورڈ کے پنلٹی ضائع کرنے سے میچ سنسنی خیز ہو گیا۔32 ویں منٹ کرسٹل پیلس کی برتری پہلے ہاف تک برقرار رہی لیکن آخری منٹ جیمز کے گول سے حساب برابر ہو گیا۔ انجری ٹائم کے آخری لمحے میں کرسٹل پیلس نے اس میدان پر 30 سال بعد تاریخی کامیابی حاصل کی۔لیگ کے دوسرے میچ میں لیورپول اور آرسنل کا آمنا سامنا ہوا۔ پہلے ہاف میں میٹپ کا پہلا گول ہوا۔ دوسرے ہاف کے ہوتے ہی محمد صلاح پرجوش نظر آئے۔ 49 ویں منٹ میں پنالٹی پر اورپھر 98 ویں منٹ کے گول سے اسکور 3-0 کر دیا۔ 85 منٹ پر ٹوریریرا کے گول سے اسکور تین ایک ہوا۔ مقابلے میں سوپر اسٹار محمد صلاح شاندار کارکردگی سے چھائے رہے۔
