سالزبرگ۔11 ڈسمبر (سیاست ڈاٹ کام) فٹبال چمپئنز لیگ میں چیلسی اور محمد صلاح کی ٹیم لیورپول نے اپنے میچ جیت کر پری کوارٹر فائنل میں جگہ بنا لی، بارش کے دوران کھیل سے کھلاڑی ہی نہیں تماشائی بھی پرجوش ہو گئے۔ گروپ ای میں لیور پول اور ریڈبل سالزبرگ کی ٹیمیں مدمقابل ہوئیں، اہم میچ میں دونوں ٹیموں کے کھلاڑی پرجوش رہے اور تابڑ توڑ حملے ہوئے لیکن اس کے باوجود پہلے ہاف میں کوئی گول نہ ہو سکا۔ دوسرے ہاف میں کھیل زیادہ تیز ہو گیا، کِیتا نے فیلڈ گول کر کے لیورپول کو برتری دلائی، اٹھاون ویں یعنی اگلے ہی منٹ محمد صلاح نے اپنی تجربہ کاری دکھاتے ہوئے اسکور دگناکردیا اور ٹیم پری کوارٹر فائنل میں جگہ حاصل کر لی۔ دوسرے میچ میں چیلسی اور لیل کی ٹیمیں آمنے سامنے آئیں، برستی بارش بھی جوشیلے کھلاڑیوں کا جذبہ ٹھنڈا نہ کر سکی۔ چیلسی کے ابراہم نے انیسویں منٹ بال کو جال میں ڈال کر حریف کھلاڑیوں کو نڈھال کر دیا۔ انہیں 35 ویں منٹ میں دوسری کامیابی ملی۔2-1 کی کامیابی سے گروپ ایچ کی ٹیم چیلسی نے فتح سمیٹی ساتھ ہی پری کوارٹرفائنل میں جگہ بنالی۔
