کراچی ۔پاکستانی فاسٹ بولر حارث روف کا کورونا ٹسٹ ایک مرتبہ پھرمثبت آیا ہے جس کے بعد محمد عامر کی ٹی 20 میں شمولیت کا امکان ہے۔ ذرائع کے بموجب ان کی جگہ فاسٹ بولر محمد عامر کو ٹیم میں شامل کیا جائے گا۔ حارث روف کی جگہ ٹی 20 ٹیم میں محمد عامر کی شمولیت کا امکان ظاہرکیا گیا ہے۔ محمد عامر اگلے چند دنوں میں انگلینڈ روانہ ہوں گے۔ واضح رہے کہ محمد عامر نے بیٹی کی ولادت کی وجہ سے انگلینڈ جانے سے معذرت کرلی تھی۔ انگلینڈ اورپاکستان کے درمیان ٹوئنٹی20 میچز کی سیریز مانچسٹر میں ہوگی جہاں 28، 30 اگست اور یکم ستمبرکو میچز ہوں گے، پہلا اور تیسرا ٹی 20 ڈے نائٹ ہوگا جبکہ دوسرا ٹی ٹوئنٹی دن میں کھیلا جائے گا۔
