لکھنو:اترپردیش میںاعظم گڑھ ومرزا پور میں مدرسہ تعلیمی بورڈ سے مسلمہ تقریبا 400 سے زائد مدارس میں مالی و دیگر بے ضابطگیوں کی جانچ ایس آئی ٹی نے شروع کردی ۔ایک آرٹی آئی میں کچھ مدارس میں مالی بے ضابطگیوں اور خردبر کا انکشاف ہوا تھاآر ٹی آئی کے مطابق متعدد ایسے مدارس ہیں جو صرف کاغذپر چل رہے ہیں۔ وہ مدرسہ تعلیمی بورڈ میں رجسٹرڈ ہیں لیکن زمین پر کہیں ان کا وجود نہیں ہے ۔اور ان کا نام یوپی مدرسہ تعلیمی بورڈ پورٹل پر درج ہونے کے ساتھ سرکاری امداد بھی حاصل کررہے ہیں۔ آر ٹی آئی کی اطلاع کے بعد اب اعظم گڑھ و مرزاپور کے 400مدرسے اسپیشل انوسٹی گیشن ٹیم کے راڈار پر ہیںاور اب ان کی جانچ ہونی ہے ۔ اب ان مدارس کی جانچ کے ساتھ تھانہ سطح پر مدرسوں پر پڑھنے اور پڑھانے والوں کی تصدیق کرائی جائیگی۔ایس آئی ٹی ان مدارس کا معائنہ بھی کریگی۔
