ادونی ۔ مدرسہ محمدیہ باہر پیٹ ادونی کا 32 واں سالانہ اجلاس عام اور تین سالہ ڈپلومہ عالمہ کورس کی طالبات کی فراغت اور تقسیم اسنادات و انعامات کا سالانہ پروگرام جامع مسجد اہلحدیث گھوڑ کار میں انعقاد عمل میں آیا ۔ جس میں صوبائی جمعیت اہل حدیث کے امیر، مولانا فضل الرحمن عمری ، ناظم مولانا منور جامعی خازن جناب فاروق خان اور ضلعیجمعیت کے امیر ، مولانا جمال الدین ، ناظمی ضلعی جمعیت مولانا عبدالشکور مولانا صبغت اللہ عمری امیر جمعیت یمگنور ، عبیداللہ کے علاوہ مقامی و غیر مقامی بہت سارے علماء کرام تشریف لائے ۔ یہ پروگرام دو نشستوں پر مشتمل تھا ۔ پہلی نشست بعد نماز عصر تا مغرب اور دوسری نشت بعد نماز مغرب تا عشاء ہوئی ۔ دونوں نشستوں کی صدارت مولانا فضل الرحمن عمری پہلی نشست میں مولانا حافظ محمد فیصل فیضی نے نظامت ، مولانا حافظ ذکاء اللہ سنابلی نے تلاوت اور جبکہ شیرخان محمد ادریس نے استقبالیہ کلمات پیش کئے ۔ اس کے بعد مکتب کے طلباء و طالبات نے تلاوت قرآن اردو تقاریر اور مکالمہ اور تعلیمی مظاہرے اور نمونے پیش کئے اور اس کے بعد مکتب کے طلباء و طالبات کے درمیان انعامات تقسیم کی گئی اور تقسیم انعامات کے بعد مختلف علماء کرام اور مہمانان عظام نے تاثرات پیش کئے ۔ اور آخر میں صدر مجلس مولانا فضل الرحمن عمرینے سامعین کو صدارتی خطاب میں پیش بہا اور قیمتی نصیحتوں سے نوازا ۔ شیر خان ریاض احمد ادونی و ناظم مدرسہ محمدیہ نے ہدیہ تشکر پیش کیا ۔ نماز مغرب کے بعد دوسری نشست کا آغاز ہوا اس نشست میں مولانا حافظ ذکا اللہ سنابلی نے نظامت مولانا حافظ محمد فیصل فیضی نے تلاوت قرآن اور جبکہ شیر خان ریاض احمد نے استقبالیہ کلمات کے فریضے کو انجام دیا ۔
