بھوپال : مدھیہ پردیش میں بارش کے موسم کے دوران 16 جون سے 15 اگست تک ندیوں میں مچھلی پکڑنے ، خریدنے اور فروخت کرنے پرپابندی رہے گی۔اسسٹنٹ ڈائریکٹر نے بتایا کہ ایم پی فشریز ایکٹ 1972 کے مطابق ، 16 جون سے 15 اگست تک مچھلیوں کی افزائش نسل کی مدت کی وجہ سے مچھلی پکڑنے ، خرید و فروخت اور پکڑنے اور فروخت کرنے کی کوشش کے ساتھ ساتھ نقل و حمل پر بھی پابندی ہوگی۔ اس حکم کی خلاف ورزی کی صورت میں ملزم کو ایک سال تک قید اور ایک ہزار روپے تک جرمانے کی سزا ہوسکتی ہے ۔انہوں نے کہا کہ چھوٹے چھوٹے تالاب اور دیگر ذرائع جن کا کسی ندی سے کوئی تعلق نہیں ہے ، یہ قانون ان پر لاگو نہیں ہوگا۔
