۔
13 زخمی‘بعض کی حالت تشویشناک ،حیدرآباد سے واپس جانے کے دوران حادثہ
نرسنگھ پور ، 10 مئی (سیاست ڈاٹ کام) مدھیہ پردیش کے ضلع نرسنگھ پور کے مگواني تھانہ علاقہ میں مزدوروں کو لے کر جا رہے ایک ٹرک کے بے قابو ہوکر درخت سے ٹکراکر پلٹ جانے سے اس میں سوار پانچ مزدوروں کی موت ہو گئی، جبکہ تیرہ زخمی ہو گئے ہیں، جنہیں ضلع اسپتال میں داخل کرایا گیا ہے ۔ایڈیشنل پولیس سپرنٹنڈنٹ راجیش تیواری نے بتایا کہ حیدرآباد سے واپس جا رہا ایک ٹرک گزشتہ شب نرسنگھ -ناگپور شاہرا ہ پر پاٹھا گاؤں کے نزدیک بے قابو ہوکر ایک درخت سے ٹکراکر پلٹ گیا ۔ حادثے میں پانچ مزدوروں کی موت ہو گئی اور 13 زخمی ہو گئے ، جن میں سے دو کی حالت نازک بتائی جا رہی ہے ۔ تمام زخمی مزدروں کو ضلع اسپتال میں داخل کرایا گیا ہے ۔ ٹرک میں 20 مزدور سوار تھے ۔ تیواری نے بتایا کہ ٹرک میں سوار مزدوروں میں 9 اترپردیش کے آگرہ کے رہنے والے ہیں اور 11 ایٹہ سے تعلق رکھنے والے ہیں ۔ لاک ڈاؤن کے باعث تمام مزدور ٹرک میں سوار ہو کر اپنے گھر واپس لوٹ رہے تھے ۔ بتایا گیا ہیکہ یہ ٹرک آم سے لدا ہوا تھا۔