بھوپال۔10 مارچ (سیاست ڈاٹ کام)مدھیہ پردیش کانگریس نے سابق مرکزی وزیر مادھوراؤ سندھیا کوان کے یوم پیدایش پر یاد کرتے ہوئے ان کے تئیں گلہائے عقیدت نذر کئے ۔ریاستی کانگریس نے اپنے ٹویٹ میں لکھا ہے ‘آنجہانی سابق مرکزی وزیر مادھوراؤ سندھیا جی کے یوم پیدائش پر انہیں سلام۔مسٹر سندھیا جی کی نظریاتی عظمت ، سیاسی حکمت، اعلی اخلاقیات اور کانگریس کے لئے عزم آج بھی ہندوستانی سیاست کے سنگ میل ہیں اور ہمیشہ رہیں گے ۔ انہیں سلام۔سابق وزیر اعلی دگ وجے سنگھ نے ریاستی کانگریس کے اس ٹویٹ کو ری ٹویٹ کرتے ہوئے مسٹر سندھیا کو یاد کیا۔سابق مرکزی وزیر سریش پچوری نے ٹویٹ کے ذریعے مسٹر سندھیاکو یاد کرتے ہوئے کہا کہ سابق وزیر اعظم راجیو گاندھی کے خاص معاون آنجہانی مسٹر سندھیا نے مختلف اعلی عہدوں پر رہتے ہوئے ہمیشہ ملک کے مفاد میں قابل ستائش اور ناقابل فراموش کام کئے ۔ریاستی کانگریس کے ترجمان پنکج چترویدی نے ٹویٹ میں لکھا ہے کہ مسٹر مادھوراؤ سندھیا کے یوم پیدائش پر سلام۔ مسٹر مادھوراؤ سندھیا آج بھی ہندوستانی سیاست کے لئے سنگ میل ہیں اور ہمیشہ رہیں گے ۔