سینٹیاگو21 اکتوبر (ایجنسیز) مراکش نے چلی میں ہونے والے فائنل میچ میں ارجنٹینا کو شکست دے کر تاریخ رقم کر دی اور پہلی بار انڈر 20 فیفا ورلڈکپ جیت لیا۔ سینٹیاگو کے نیشنل اسٹیڈیم میں منعقدہ فائنل میچ میں محمد یاسر زبیری نے12ویں اور 29 ویں منٹ میں 2 گول کرکے اپنی ٹیم کو فتح سے ہمکنارکیا اور شاندار کارکردگی دکھانے پرپلیئر آف دی میچ کا اعزاز بھی حاصل کیا۔ اس کامیابی کے بعد مراکش 2009ء میں گھانا کے بعد انڈر20 ورلڈکپ جیتنے والا پہلا افریقی ملک بن گیا۔ مراکش نے پورے ٹورنمنٹ میں زبردست کارکردگی دکھاتے ہوئے ناک آؤٹ مرحلے میں جنوبی کوریا، امریکہ اور فرانس کو شکست دے کر فائنل تک رسائی حاصل کی۔ ارجنٹینا پورے ٹورنمنٹ میں ناقابل شکست ٹیم رہی لیکن فائنل میں بائر لیورکوسن اور فرانکو مستانتوونو کی غیر موجودگی کی وجہ سے مشکلات کا شکار رہی اور مراکش کے ہاتھوں شکست سے دوچار ہوئی۔
