دھوبی کا… گھر کا نہ گھاٹ کا
ملعون نے کہا، سناتن دھرم اپنایا مگر پیار نہیں ملا
لکھنؤ : مرتد و ملعون وسیم رضوی (جتیندر نارائن تیاگی) پر دنیا ہی سے اللہ کا عذاب نازل ہونا شروع ہوگیا ہے۔ گستاخ تیاگی ان دنوں ڈپریشن کا شکار ہے۔ عذاب قبر سے پہلے تیاگی اپنی جان کاخطرہ محسوس ہورہا ہے اور اس نے ایک ویڈیو جاری کرکے اس پر حملہ کو خدشہ ظاہر کیا ہے۔ویڈیو میں مرتد و ملعون کہتا ہے کہ اس کی جان کو خطرہ ہے جس کی وجہ سے وہ ڈپریشن کا شکار ہے۔ اس پر کسی بھی وقت فدائین حملہ کرسکتے ہیں۔ مرتد نے یہ بھی کہا کہ ہندو مذہب اختیار کرنے کے بعد اسے ویسا پیار نہیں ملا جیسا کہ کسی رشتہ دار کی گھر واپسی کے وقت ملتا ہے۔مرتد نے کہا کہ ’’میں بہت ڈپریشن میں ہوں اور ہوسکتا ہے کہ دشمن کے ہاتھوں مرنے سے پہلے ہی میں اپنی زندگی ختم کرلوں، یعنی ایسی حالت میں، میں خودکشی کرسکتا ہوں‘‘۔ مرتد نے ہندوؤں کی توجہ اپنی جانب مبذول کروانے کیلئے ایک بار پھر جذباتی بیان دیا اور کہا کہ ’’میں مرتے دم تک سناتنی رہوں گا‘‘۔ گزشتہ سال دسمبر میں یو پی شیعہ وقف بورڈ کے سابق چیئرمین وسیم رضوی نے باقاعدہ طور پر ہندو مذہب اپنالیا۔ وہ اترپردیش کے داسنا مندر میں مہنت یتی نرسنگھا گری کی موجودگی میں ہندو مذہب میں داخل ہوا تھا۔
اس موقع پر وسیم نے اپنا ہندو نام ہربیر تیاگی رکھا تھا اور یہ اعلان کیا تھا کہ مرنے کے بعد اسے ہندو رسم و رواج کے مطابق نذر آتش کیا جائے۔
