نئی دہلی:کانگریس کے سینئر لیڈر مرحوم احمد پٹیل کے بیٹے فیصل پٹیل نے نظر انداز ہونے کا کا الزام لگاتے ہوئے کانگریس پارٹی چھوڑ دی۔انسٹاگرام پر ایک جذباتی پوسٹ میں فیصل پٹیل نے شیئر کیا کہ کانگریس کے ساتھ ان کا سفر چیلنجنگ رہا ہے۔ انہوں نے کہا کہ اپنے والد کے نقش قدم پر چلنے کی کوششوں کے باوجود وہ اکثر خود کو پسماندہ محسوس کرتے ہیں۔میرے مرحوم والد احمد پٹیل نے اپنی پوری زندگی ملک، پارٹی اور گاندھی خاندان کیلئے وقف کر دی تھی۔ میں نے ان کے نقش قدم پر چلنے کی کوشش کی لیکن مجھے ہر قدم پر روکا گیا۔انہوں نے پارٹی قائدین، کارکنوں اور حامیوں سے اظہار تشکر کیا اور پارٹی کے ساتھ اپنے جذباتی وابستگی کا اعادہ کیا۔انہوں نے کہا کہ میں ہر ممکن طریقے سے انسانیت کے لیے کام کرتا رہوں گا۔ انہوں نے کانگریس کے تمام رہنماؤں، پارٹی کارکنوں اور خیر خواہوں کا شکریہ ادا کیا جنہوں نے ان کا ساتھ دیا۔احمد پٹیل اپنی آبائی ریاست گجرات سے پانچ بار ایوان بالا کے لیے منتخب ہوئے اور کانگریس کے خزانچی سمیت مختلف عہدوں پر خدمات انجام دیں۔
