بھوپال: انقلابی شاعر مرحوم راحت اندوری کی بیگم اور معروف شاعرہ انجم رہبر نے اتوار کو مدھیہ پردیش کے سابق وزیر اعلیٰ اور پارٹی کے ریاستی صدر کمل ناتھ کی رہائش گاہ میں کانگریس میں شمولیت اختیار کر لی۔ انجم رہبر خود بھی کافی مشہور شاعرہ ہیں اور ملک بھر میں منعقدہ مشاعروں میں شرکت کرتی رہتی ہیں۔ انجم مدھیہ پردیش کے گنا سے تعلق رکھتی ہیں اور انہوں نے اردو سے ماسٹرز کیا ہے۔دریں اثنا انہوں نے ملک کی موجودہ حالت پر تشویش کا اظہار کیا اور کہا کہ وہ اب تک شاعری کرتی رہی ہیں، اب وہ سماجی خدمت کرنا چاہتی ہیں اور اسی لیے انہوں نے کانگریس میں شمولیت اختیار کی ہے۔ریاست میں آنے والے وقت میں اسمبلی انتخابات ہونے والے ہیں اور جب ان سے پوچھا گیا کہ کیا وہ کانگریس امیدوار کے طور پر میدان میں اتریں گی، تو انہوں نے کہا کہ وہ الیکشن نہیں لڑیں گی، لیکن اگر پارٹی انہیں امیدوار بناتی ہے تو وہ منع بھی نہیں کریں گی۔
