کولکاتا: مرشد آباد کا کھڑگرام میں پولنگ سے قبل ترنمول کانگریس اور کانگریس کے لیڈروں کے درمیان جھڑپ کی خبر آئی ہے ۔ مبینہ طور پر اس وقت دو راؤنڈ بھی فائر کیے گئے تھے۔ کانگریس نے دعویٰ کیا کہ آتشیں اسلحہ ترنمول کانگریس کے علاقائی صدر التمش کبیر کے ہاتھ میں دیکھا گیا تھا۔ پولیس ذرائع کے مطابق التمش کو گرفتار کر لیا گیا ہے ۔ کانگریس کے ایک اور کارکن کو گرفتار کر لیا گیا۔ باقی کی تلاش جاری ہے ۔مقامی ذرائع کے مطابق چہارشنبہ کو کھگرام کے دیارہ ملک پور گاؤں میں انتخابی مہم کو لے کر کانگریس اور ترنمول کے کارکنان میں جھگڑا ہوگیا۔ کانگریس پنچایت سمیتی کی رکن جیتا خاتون اور ان کے حواریوں کی التمش اور اس کے ساتھیوں سے جھڑپ ہوئی۔ بعد میں ان کے درمیان لڑائی ہو گئی۔ اسی وقت گولیاں چلائی گئیں۔ کانگریس نے دعویٰ کیا کہ التماس کے ہاتھ میں پستول ہے ۔ اس نے لگاتار دو راؤنڈ فائر کئے ۔تھانہ کھڑگرام کی پولیس موقع پر پہنچ گئی۔ صورتحال پر قابو پانے کے لیے پولیس کی بھاری نفری تعینات ہے ۔ فائرنگ کے واقعہ کے بارے میں، ضلع کانگریس کے ترجمان جینت داس نے کہاکہ ترنمول کانگریس کے علاقائی صدر نے مقامی کانگریس کارکنوں اور عوام میں خوف و ہراس کا ماحول پیدا کرنے کے لیے گولی چلائی۔ میں الیکشن کمیشن سے اپیل کرتا ہوں کہ وہ آزادانہ اور پرامن انتخابات کے لیے جو کچھ بھی ضروری ہے وہ کریں۔
