مرکزی حکومت نے نہ تو ملک کے ساتھ وفاداری ظاہر کی ہے اور نہ ہی ملک کے عوام سے: راہل گاندھی

نئی دہلی: کانگریس کے سابق صدر راہل گاندھی نے جمعرات کو مہنگائی کو لے کر مرکزی حکومت کو نشانہ بنایا اور الزام لگایا کہ نریندر مودی حکومت نے نہ تو ملک سے وفاداری دکھائی ہے اور نہ ہی عوام کے ساتھ انہوں نے ایک فیس بک پوسٹ میں کہا، وفاداری اور کارکردگی میں فرق ہوتا ہے۔ مودی حکومت نے نہ ملک سے وفاداری دکھائی اور نہ ہی عوام سے۔ میں مہنگائی کی بات کر رہا ہوں۔ اگر آپ یہ سوچ رہے ہیں کہ مستقبل میں مہنگائی میں کمی آئے گی تو آپ غلط فہمی میں ہیں۔ آنے والے دنوں میں مودی حکومت کے نئے حملے کے لیے تیار ہو جائیں راہل گاندھی نے کہا، آر بی آئی نے ریپو ریٹ میں 0.5 فیصد اضافہ کیا ہے، جو اب بڑھ کر 4.9 فیصد ہو گیا ہے۔ آر بی آئی کے مطابق 2022-23 میں مہنگائی مزید بڑھنے والی ہے، جبکہ خوردہ افراط زر 6.7 فیصد رہنے والی ہے انہوں نے دعویٰ کیا کہ حکومت کی غلط معاشی پالیسیوں نے عام لوگوں پر مہنگائی کا ایسا بوجھ ڈال دیا ہے کہ اب یہ عوام کی برداشت سے باہر ہوتا جا رہا ہے گھر، آٹو، پرسنل لون اور ماہانہ اقساط مہنگے ہو جائیں گے۔