مرکزی وزیر اور بہار کے مضبوط بی جے پی رہنما گریراج سنگھ نے پاپولیشن کنٹرول ایکٹ کو ملک کے لئے بہت اہم قرار دیا ہے انہوں نے ایک پروگرام کے دوران کہا کہ آبادی پر قابو پانا مذہب اور سیاست کا مسئلہ نہیں ہے بلکہ ترقی سے متعلق ایک مسئلہ ہے آبادی کو کنٹرول کرنے کا قانون بہت ضروری ہے مودی کابینہ میں توسیع کے بعد بہار کے لکھیسرائئ ضلع کے برہیا میں واقع آبائی گاؤں کے گھر میں گریراج سنگھ جنہیں وزیر برائے دیہی ترقی بنایا گیا کا شاندار استقبال کیا گیا اس موقع پر صحافیوں سے بات کرتے ہوئے بیگوسرائے کے رکن پارلیمنٹ گریراج سنگھ نے کہا کہ ہمارے ملک کی ترقی کے لئے آبادی کا استحکام ضروری ہے انہوں نے آبادی پر قابو پانے کے قانون کو معاشرے اور ترقی کے لئے ضروری قرار دیا ہے انہوں نے کہا کہ اوسطا چین ایک منٹ میں 10 بچے پیدا کرتا ہے جبکہ ہمارے ملک میں ہم ایک منٹ میں 31-33 بچوں کو جنم دیتے ہیں آبادی کو کنٹرول کرنے کا قانون بہت ضروری ہے۔
