لکھنٔو، 14 اپریل (یو این آئی) بہوجن سماج پارٹی کی صدر مایا وتی نے مرکز اور ریاستی حکومتوں سے آج بابا صاحب بھیم راؤ امبی دکر کے یوم پیدائش کے موقع پر ملک کے سبھی غریبوں کو مفت کورونا ویکسین لگانے کا مطالبہ کیا۔ مایا وتی نے بابا صاحب کو یاد کرتے ہوئے آج کہا کہ مرکزی حکومت نے 11 سے 14 اپریل تک ویکسین فیسٹول منانے کی بات کی تھی ، جو اچھی بات ہے ، لیکن بی ایس پی کا مطالبہ ہے کہ ملک کے تمام غریب عوام آج سے مفت ویکسین لگانے کا اعلان کریں۔ وہ سبھی ریاستی حکومتوں سے ہی اپیل کررہی ہیں۔ اگر یہ کیا جاتا ہے تو ، یہ بابا صاحب کو سچا خراج عقیدت ہوگا۔ انہوں نے آزادی کے بعد طویل عرصے تک بابا صاحب کو بھارت رتن نہ دینے پر کانگریس حکومت کو بھی تنقید کا نشانہ بنایا اور کہا کہ دلتوں کو اوپر اٹھانے کے لئے کام کرنے والے بابا صاحب کو کانگریس حکومت میں نظرانداز کیا گیا ، جبکہ پنڈت جواہر لال نہرو اور اندرا گاندھی نے بھی اپنی مدت کار میں بھارت رتن لیا تھا۔ انہوں نے کہا کہ باباصاحب کی انتھک کوششوں کی وجہ سے ملک میں دلت متحد ہوگئے تھے اور اترپردیش میں چار بار بی ایس پی کی حکومت تشکیل پائی تھی ، ملک میں دلتوں کو اوپر اٹھانے میں بابا صاحب کی کوششوں سے انکار نہیں کیا جاسکتا۔ بی ایس پی مسلسل بابا صاحب کے اصولوں کو آگے بڑھانے کی کوشش کر رہی ہے ۔
ایس پی صدر اکھلیش کورونا پازیٹو
لکھنؤ: سماج وادی پارٹی کے صدر اکھلیش یادو کو کورونا پازیٹو پایا گیا ہے۔ انہوں نے خود کو الگ تھلگ کرلیا ہے ۔ انہوں نے خود یہ اطلاع ٹوئٹ کے ذریعہ دی ۔ انہوں نے آج ٹویٹ کیا کہ میری کورونا ٹسٹ کی رپورٹ مثبت آئی ہے ۔ میں نے خود کو دوسروں سے الگ تھلگ کرلیا ہے اور علاج گھر سے شروع کردیا ہے۔ انہوں نے کہا پچھلے کچھ دنوں سے جو بھی میرے ساتھ رابطے میں آئے ہیں ، ان سے سب سے اپیل ہے کہ اپنی جانچ کرائیں۔ ان سے گزارش ہے کہ کچھ دن آئسو لیشن میں رہیں۔
مسٹر یادو کو پچھلے دو تین دن سے ہلکا بخار تھا لیکن وہ لوگوں سے مل رہے تھے اور کام کر رہے تھے ۔
