ممبئی: ملک میں دوبارہ کووڈ-19 انفیکشن کے بڑھتے ہوئے معاملات کو دیکھتے ہوئے مرکزی حکومت نے مہاراشٹر سمیت آٹھ ریاستوں کو ہدایت دی ہے کہ وہ کووڈ سے نمٹنے کے لیے تیاریوں میں اضافہ کریں۔ مرکزی صحت سکریٹری راجیش بھوشن نے اس سلسلے میں مہاراشٹر، دہلی، تمل ناڈو، اتر پردیش، ہریانہ، کرناٹک، کیرالہ اور راجستھان کی ریاستوں کو خط لکھا ہے ۔بھوشن نے مشورہ دیا ہے کہ نگرانی، جانچ، علاج، کانٹیکٹ ٹریسنگ، ویکسینیشن اور ماسک کے استعمال کے حوالے سے چوکسی کے ساتھ نظام کو مضبوط کیا جانا چاہیے ۔دریں اثنا، مہاراشٹر کے پبلک ہیلتھ ڈپارٹمنٹ نے کورونا وائرس کے انفیکشن پر کام کرنے کے لیے ایک نئی ٹاسک فورس تشکیل دی ہے۔
