برلن۔ 6 جنوری (سیاست ڈاٹ کام) جرمنی کی چانسلر انجیلا مرکل، فرانس کے صدر ایمینوئل منکروں اور برطانیہ کے وزیر اعظم بورس جانسن نے ایک مشترکہ بیان جاری کرکے عراق میں امریکہ کی اتحادی فوجی تنظیم پر حملے کی مذمت کرتے ہوئے کہا ہے کہ وہ سبھی ایران کے اسلامی ریوولیوشنری گارڈز کور کے کمانڈر قاسم سلیمانی کے علاقے میں کردار کے بارے میں فکر مند ہیں۔جرمن کابینہ کی طرف سے جاری بیان میں کہا گیا‘‘ہم عراق میں اتحادی افواج کے خلاف حملے کی مذمت کرتے ہیں اور سلیمانی کے ایرانی علاقے میں کردار سے بے حد فکر مند ہے ’’۔ تینوں لیڈروں نے اس علاقے میں کشیدگی کو کم کرنے کا بھی اپیل کی۔اسلامی ریوولیوشنری گارڈ کور کے کمانڈر قاسم سلیمانی جمعہ کو امریکہ فضائی حملے میں مارے گئے تھے ۔ اس سے پہلے دسمبر میں امریکہ نے الزام لگاتے ہوئے کہا تھا کہ ایران کی حمایت یافتہ کتائب ھے حزب اللہ جنگجو تنظیم نے کرکک علاقے میں امریکی فوجی اڈے پر حملہ کیا تھا جس میں امریکی جوان کی موت ہو گئی تھی۔امریکہ فوجی اڈے پر حملے کے بعد امریکہ نے کتائب حزب اللہ کے ٹھکانوں پر حملہ کرکے اس کے کئی اراکین کو ہلاک کردیا تھا۔امریکہ کی اس کارروائی کے بعد بغداد میں امریکی سفارت خانے پر مظاہرین نے حملہ کر دیا تھا جس کے پیچھے سلیمانی کا ہاتھ مانا جا رہا تھا۔
