برلن:جرمن چانسلر انجیلا مرکل نے امریکہ کے نومنتخب صدر جو بائیڈن سے گفتگو کی اور مستقبل قریب میں جرمنی کے امریکہ کیساتھ رشتے مزید گہرے ہونے کی امید ظاہرکی۔انہوں نے بتایا کہ مرکل نے بائیڈن سے ٹیلیفون پر بات چیت کی۔انہوں نے کہا ‘‘وفاقی چانسلر انجیلا مرکل نے آج نو منتخب امریکی صدر جو بائیڈن سے ٹیلیفون پر بات کی۔ اس دوران انہوں نے بائیڈن کے ساتھ ساتھ نائب صدر کے عہدہ کیلئے منتخب کملا ہیرس کو بھی مبارکباد پیش کی۔ مرکل نے دونوں ممالک کے مابین تعلقات کو مزید مستحکم کرنے کی امید ظاہر کی ’’۔بات چیت کے دوران دونوں لیڈروں نے عالمی چیلنجوں کا مقابلہ کرنے کے لئے باہمی تعاون پر اتفاق کیا۔
