حیدرآباد19مئی (یواین آئی) سی پی آئی کے قومی سکریٹری نارائنا نے الزام لگایا ہے کہ لاک ڈاون کی وجہ سے روزگار سے محروم نقل مکانی کرنے والے مزدوروں کے بچاو میں آنے میں مرکزی اور ریاستی حکومتیں ناکام ہوگئی ہیں۔انہوں نے حیدرآباد میں پارٹی دفتر میں میڈیا سے بات کرتے ہوئے کہاکہ حکومت،سرکاری اداروں کو نجی اداروں میں تبدیل کرنے کی سازش رچ رہی ہے ۔ایسا ہونے پر ان کی پارٹی خاموش نہیں رہے گی۔انہوں نے کہاکہ نقل مکانی کرنے والے مزدوروں کو ہر ماہ دس ہزار روپئے ،عمارتوں کی تعمیر کا کام کرنے والے مزدوروں کو ہر ماہ پانچ ہزارروپئے دیئے جائیں۔
