مزدوروں کی فلاح وبہبود کے تحت کئے جانے والے اقدامات پر متعلقہ عہدیداروں کے ہمراہ ضلع کلکٹر کا جائزہ اجلاس
پداپلی ۔ 28 اپریل ( سیاست ڈسٹرکٹ نیوز) ضلع میں موجود صنعتوں’ اینٹ کے بھٹیوں میں کام کررہے مزدوروں کی صحت کی تشخیص کروانے کے لئے بہتر لائحہ عمل تیار کرنے کی ضلع کلکٹر نے متعلقہ عہدیداروں کو ہدایت دی. مزدوروں کی فلاح وبہبود کے تحت کئے جانے والے اقدامات پر ضلع کلکٹر نے متعلقہ عہدیداروں کے ہمراہ بروز پیر کلکٹریٹ میٹنگ ہال میں جائزہ اجلاس منعقد کیا. ضلع میں موجود صنعتوں اور اینٹ کے بھٹیوں میں کام کررہے مزدوروں’ مہاجر مزدوروں کی مکمل تفصیلات جمع کرنے کی ضلع کلکٹر نے عہدیداران کو ہدایت دی. حکومت کے رہنمایانہ خطوط کے مطابق لازماً صنعتوں اور اینٹ کے بھٹیوں کو بند کرنے اور لاک ڈاؤن پرحسب معمول عمل آوری کی تاکید کی.مزدوروں کے لئے طبی جانچ کے تحت موثر لائحہ عمل تیار کرنے کی محکمہ طبابت کو ضلع کلکٹر نے تاکید کی. بچہ مزدوروں کی حفاظت کے تحت ضروری اقدامات روبہ عمل لانے کی
ہدایت دی.اینٹ کے بھٹیوں میں کام کررہے مزدوروں کو محکمہ طب کی جانب سے تیار کردہ شیڈول کے مطابق خصوصی طبی کیمپ کا انتظام کرنے’ موسم گرما کو مد نظر رکھتے ہوئے طبی کیمپ کا انعقاد کرنے کی ضلع کلکٹر نے عہدیداروں کو ہدایت دی. حمل ونقل کر ضلع کو آنے والے مزدوروں کے بچوں کو تعلیم کی فراہمی کے لئے خصوصی انتظامات کرنے کی ہدایت دی. ضلع کلکٹر نے کہا کہ زائد از زائد مزدور اریسہ سے حمل ونقل کر آئے ہوئے ہیں’ لہذا ان کے بچوں کو اسی زبان میں تعلیم کے تحت اساتذہ کی نشاندہی کرنے کی ضلع کلکٹر نے محکمہ تعلیم کو ہدایت دی. ضلع میں موجود اینٹ کے بھٹیوں اور صنعتوں میں کام کررہے مزدوروں کی طبی جانچ کے دوران محکمہ لیبر کے عہدیداروں کو متعلقہ صنعتوں کا معائنہ کرنے’ وہاں پر مزدوروں کو فراہم کردہ سہولیات اور اجرت کی جانچ کرنے کی ہدایت دی. ایڈیشنل کلکٹر لکشمی نارائنا’ ضلع انچارج ڈی آر او کے نرسمہا مورتی’ پداپلی ریوینو ڈویڑن آفیسر شنکر کمار’ ضلعی مہتمم تعلیم جگن موہن ریڈی’ ضلعی عہدیدار برائے طبابت ڈاکٹر پی. سدھاکر’ محکمہ مزدور کے عہدیداران وغیرہ نے اس اجلاس میں شرکت کی.