عرب اور مسلم ممالک اسرائیل سے تعلقات ختم کریں:اسماعیل ہنیہ
غزہ : فلسطین کی مزاحمتی تنظیم حماس کے سربراہ اسماعیل ہنیہ نے غزہ پر اسرائیل کی جانب سے ڈھائی جانے والی بربریت پرمسلمان ممالک سے مداخلت کی اپیل کی ہے ۔ عرب میڈیا رپورٹس کے مطابق حماس کے سیاسی دفتر کی جانب سے جاری بیان کے مطابق اسماعیل ہنیہ کا کہنا ہے کہ اسرائیل غزہ میں قتل عام کررہا ہے ۔ بچوں ، عورتو ں اور بزرگوں کو شہید کر کے اپنی خون آلود شرمناک تاریخ کا ایک اور صفحہ لکھ رہا ہے ۔انہوں نے مزید کہا کہ ہم اپنی مزاحمت جاری رکھیں گے جب تک ہمارے بچوں کو آزادی نہ مل جائے ۔ اسمعیل ہنیہ نے عرب اور اسلامی ممالک سے اسرائیلی مظالم کے خلاف مداخلت کی اپیل کی اور کہا کہ مزید کتنے اور عورتیں مرنے کا انتظار کریں گے ۔
