سرینگر: جموں و کشمیر وقف بورڈ کی چیئر پرسن ڈاکٹر درخشاں اندرابی کا کہنا ہے کہ انتظامیہ نے کوشش کی کہ سری نگر کی تاریخی جامع مسجد میں نماز ادا کی جائے لیکن کچھ لوگ ایسا نہیں چاہتے ۔ انہوں نے کہا کہ جس طرح سے پیچھے سے نعرے لگائے گئے مسجدیں اور درگاہیں نعرہ بازی کے لئے نہیں بنی ہیں۔ ان کا کہنا تھا کہ عیدالفطرٰ کے موقع پر عید گاہ میں بھی نماز عید ادا کی جائے گی اور جامع مسجد میں بھی۔ چیرپرسن نے ان باتوں کا اظہار پیر کے روز میڈیا نمائندوں کے ساتھ بات کرنے کے دوران کیا۔ انہوں نے کہا کہ انتظامیہ نے کوشش کی کہ جامع مسجد میں نماز ادا کی جائے لیکن کچھ لوگ نہیں چاہتے ہیں کہ یہاں امن سے نماز پڑھی جائے اور یہاں ترقی ہو۔ ان کا کہنا تھاکہ جامع مسجد میں نماز کی ادائیگی میں جو خلل واقع ہوا وہاں کچھ لوگوں نے خود امن کو برقرار رہنے نہیں دیا اور ہم عید کو خراب ماحول میں نہیں منانا چاہتے ہیں۔
