مکہ مکرمہ : رمضان المبارک کے مقدس مہینے کے آخری عشرے کاآج سے آغاز ہونے جارہا ہے۔جس میں دنیا بھر میں لاکھوں فرزندان اسلام اعتکاف کریں گے۔ تاہم اس سے قبل مسجد الحرام میں ابر رحمت برس پڑی۔جس کے دوران زائرین نے طواف کعبہ جاری رکھا۔ تفصیلات کے مطابق بادل برسنے سے مکہ مکرمہ کا موسم خوشگوار ہوگیا اور بارش کے دوران بھی عمرہ زائرین خانہ کعبہ کے طواف میں مصروف رہے۔ سعودی محکمہ موسمیات نے مکہ مکرمہ اور اس کے اطراف میں شدید بارشوں کا الرٹ جاری کرتے ہوئے کہا کہ شہری غیر ضروری طور پر گھر سے نہ نکلیں۔
